सद्याच्या युगात जग अत्यंत वेगाने जवळ येत असून, यासाठी खेळ क्रीडा हे अत्यंत प्रभावी माध्यम ठरत आहे. खेळामुळे जशी संघ भावना वाढते तशीच राष्ट्रीय एकात्मता सुध्दा वृध्दींगत होते. राज्यात क्रीडा संस्कृतीची पाळेमुळे खोलवर उतरली असून, त्या दृष्टीने धुळे जिल्हयात देखील क्रीडा संस्कृतीचे संवर्धन वृध्दींगत करणे हे आपले सर्वांचे कर्तव्यच आहे. या करीता जिल्हा क्रीडा परिषद, धुळे मार्फत प्रती वर्षी शैक्षणिक सत्रात विविध स्तरावर विविध स्पर्धांचे आयोजन करण्यात येत असते. या क्रीडा स्पर्धा व उपक्रमांचे जिल्हयातील सर्व खेळाडूंनी उत्साहाने भाग घेऊन आपले कौशल्य दाखवावे व आपल्या क्रीडा नैपुण्याने सर्वोत्तम प्रदर्शन दाखवून राष्ट्रीय, आंतरराष्ट्रीय पातळीवर पोहचून जिल्याचा व पर्यायाने राज्याचा नाव लौकीक वाढवावा हीच अपेक्षा आहे. सुदृढ शरीर व समाज ‍निर्मितीसाठी योग विद्या हे वरदान आहे. त्याचा नियमित अंगीकार सर्वांनी करुन निरामय व सक्षम आयुष्य जगावे यासाठी दरवर्षी दि. 21 जून रोजी जागतीक योग दिन शासना मार्फत व्यापक प्रमाणावर आयोजित करण्यात येतो. जिल्हा क्रीडा अधिकारी कार्यालय, धुळे मार्फत नवीन तयार करण्यात आलेल्या या संकेतस्थळावर जिल्यातील क्रीडा पुरस्कार्थी, युवा पुरस्कार्थी, राष्ट्रीय खेळाडू, क्रीडा संघटना, क्रीडा संकुल, विविध योजना व त्या योजनचे लाभार्थी, शासन निर्णय इ. विषयक अद्यावत माहिती खेळाडू व नागरिकांसाठी उपलब्ध करून देण्यात आली आहे. आपण सर्वांनी त्याचे अवलोकन करुन जिल्हयात क्रीडामय वातावरणाची ‍निर्मिती करुन आपली क्रीडा संस्कृती जोपासावी. धुळे जिल्हयातील सर्व खेळाडू, क्रीडा शिक्षक, क्रीडा मार्गदर्शक व सर्व क्रीडा प्रेमी नागरीकांना माझ्या शुभेच्छा !

अविनाश टिळे

जिल्हा क्रीडा अधिकारी धुळे .